叮噹返嚟啦 　網民：點解叮噹變咗女仔？

為多啦A夢配音的無綫資深配音員林保全，在今年1月離世，叮噹迷對誰人接棒一直十分緊張，聲演叮噹的人選終於塵埃落定，將由80後女生黃昕瑜頂上。

昨晚（16日）無綫《東張西望》首播出黃昕瑜配演叮噹的演繹，外界反應好壞參半，不少網民對叮噹變成「嬌滴滴的女仔聲」感難以適應。

首播出的片段長40多秒，未有見到黃昕瑜的樣子，只有她的聲音，畫面是叮噹與大雄的對話，包括以下對白，

• 叮噹：大雄，我返嚟喇！
   
• 大雄：咦？點解你把聲唔同咗嘅？
   
• 叮噹：你知㗎！我嘅聲音系統，係冇可能永遠唔變㗎嘛。希望所有朋友仔可以習慣下我呢把新嘅聲啦！雖然我換咗把聲，但我其他嘢都冇變㗎！一樣會開心陪住大家㗎！拿，大雄，你睇下，我仲喺未來帶咗好多新法寶返嚟呀！

黃昕瑜已表明叮噹的聲音系統不可能永久不變，但對於叮噹「變聲」，不少人實在感到無奈。雖然，黃昕瑜跟保全叔的聲音一樣偏向高亢，但保全叔所演繹的是「圓碌碌」的男聲，黃昕瑜版本則變成年輕女仔聲，難免要時間適應。

對於新配音，部分網民直言「唔收貨」：

我唔介意轉聲，但可唔可以搵個比較似林保全既聲線黎配音？

鬧大雄嗰陣時唔夠惡 :(((((

坦白講，叮噹就好似大雄個爸爸咁，會照顧大雄，成熟穩重又有腦，女仔聲同細路聲當然難以接受，完全唔match 個角色！

已經不再是我心中的多啦a夢了！親切感、童年都失去了！

另一邊廂，有網民則力撐黃昕瑜，認為應給予新人機會：

人地個配音部門覺得依個已經係最好既聲線同有經驗先擇佢，總有佢既原因。上網個個下下全叔全叔，人已經唔係到啦，面對現實啦

一代傳一代，我地要 open D, 俾D新一代人接棒，亦相信保全叔亦希望後繼有人 (呢個配音員都好有神髓)

黃昕瑜早前為即將在８月上映的電影《電影多拉A夢：大雄之宇宙英雄記》配音，到時有機會聽到更多她的演繹。

延伸閱讀：誰是黃昕瑜？

26歲的黃昕瑜（Yan），是第5期無綫粵語配音藝員訓練班畢業生，2012年正式加入無綫，因在劇集《情逆三世緣》中為藝員苟芸慧所飾的趙昐配音而被留意。

入行短短3年，已為多套電視動畫、劇集、電影配音，包括《光之美少女：甜蜜天使》的明堂院樹、《星夢學園》的紫吹蘭、韓劇《繼承者們》的李寶娜等，經驗相當豐富。